У Пальмовую нядзелю біскуп Антоні маліўся з вернікамі Пінскай катэдры

13 красавіка, у Пальмовую нядзелю, Біскуп Антоні Дзям'янка ўзначаліў працэсію з пальмамі і вербамі каля Пінскай катэдры.

Працэсіяй на чале з біскупам Антоніем распачалася святая Імша ў нядзелю Мукі Пана, калі Касцёл успамінае ўваход Езуса Хрыста ў Ерузалем для здзяйснення Пасхальнай таямніцы, якую перажывае на працягу Вялікага тыдня.

Для каталікоў тыдзень пасля пальмавай нядзелі, які называецца Вялікім тыднем, з'яўляецца найважнейшым тыднем у годзе, таму што ён прысвечаны апошнім дням зямнога жыцця Езуса Хрыста, яго пакутам, смерці і ўваскрасенню. Ключавыя падзеі і іх значэнне можна паглядзець тут.

Такім чынам, Вялікі тыдзень з'яўляецца кульмінацыяй падрыхтоўкі да Вялікадня і часам паглыбленага разважання над ахвярай Езуса Хрыста дзеля выратавання чалавецтва.