Душпастырскія аб’явы 8.02.2026 V ЗВЫЧАЙНАЯ НЯДЗЕЛЯ

❖ У аўторак, 10 лютага, – успамін святой Схалястыкі, панны.

❖ У сераду, 11 лютага, – успамін Найсвяцейшай Марыі Панны з Люрда, таксама адзначаем Сусветны дзень хворых. У гэты дзень у нашых малітвах памятаем пра людзей хворых. Падчас Святых Імшаў будзе удзяляцца сакрамэнт Намашчэнне Хворых.

❖ У суботу, 14 лютага, – свята святых Кірыла і Мятоды, апекуноў Еўропы.

❖ Праз 10 дзён, 18 лютага, пачнецца Вялікі Пост. Просім прыносіць да касцёла леташнія пальмы, каб з іх зрабіць попел на Папяльцовую сераду.

❖ Шчыра дзякуем усім за супольную малітву. Дзякую за прыбіранне нашай святыні, за складзеныя ахвяраванні і за ўсялякую аказаную дапамогу. Няхай Добры Бог шчодра ўзнагародзіць вас сваімі ласкамі.