Катэдральны касцёл
Унебаўзяцця Найсвяцейшай Панны Марыі
Унебаўзяцця Найсвяцейшай Панны Марыі
Шчырыя віншаванні любімаму душпастыру: парафіяне віншавалі ксяндза Паўла Врубеля з Днём нараджэння!
З вялікай радасцю і сардэчнай цеплынёй вернікі катэдральнай парафіі Унебаўзяцця Найсвяцейшай Панны Марыі віншавалі свайго душпастыра, ксяндза Паўла Врубеля, з Днём нараджэння!
Нагодай стала не толькі асабістае свята, але і магчымасць выказаць глыбокую ўдзячнасць за яго ахвярнае служэнне і блізкасць да кожнага парафіяніна.
Нагодай стала не толькі асабістае свята, але і магчымасць выказаць глыбокую ўдзячнасць за яго ахвярнае служэнне і блізкасць да кожнага парафіяніна.
Падчас віншавання вернікі падарылі ксяндзу Паўлу смачны клубнічны торт, які стаў сімвалам салодкіх момантаў і радасці, якую ён прыносіць у жыццё парафіі. Але найбольш каштоўным сталі шчырыя словы, якія ішлі ад самага сэрца:
"Глыбокапаважаны ксёндз Павел, дарагі наш душпастыр! З вялікай радасцю і шчырымі пачуццям віншуем Вас з Днём нараджэння! Мы бязмерна ўдзячны Пану Богу за тое, што Ён прывёў Вас у нашу парафію амаль восем гадоў назад, дзе Вы сталі блізкім і родным кожнаму чалавеку. Вы руплівы гаспадар, бо не цураецеся ніякай фізічнай працы, мудры дарадчык, бо ўмееце сказаць менавіта тое, што патрэбна ў дадзены момант кожнаму з нас, падтрымаць словам кожнага верніка. Дзякуем Вам за ахвярнае служэнне, за ўдзяленне святых сакрамэнтаў, за глыбокія казанні, за шчырыя святарскія малітвы, а асабліва за вялікае сэрца, здольнае ахапіць любоўю кожнага - ад дзяцей да самых старэйшых людзей. Нас захапляе Ваша шчырасць і адкрытасць, але найбольш адданасць Божай справе евангелізацыі. Шаноўны ксёндз Павел, няхай рака Вашага лёсу цячэ па раўніне і будзе напоўнена Божай любоўю і ласкамі, шчасцем і радасцю. Няхай Езус Хрыстус благаслаўляе кожны Ваш дзень, Маці Божая заўсёды чувае над Вамі і будзе заступніцай, а Дух Святы дапамагае ў пастырскім служэнні."
Парафіяне падкрэслілі не толькі духоўныя якасці ксяндза Паўла, але і яго гаспадарлівасць, мудрасць і здольнасць знаходзіць патрэбныя словы для кожнага. Яны выказалі ўдзячнасць за яго ахвярнае служэнне, шчырыя малітвы і вялікае сэрца, якое ахоплівае любоўю ўсіх, незалежна ад узросту.
У адказ ксёндз Павел падзякаваў парафіянам за цёплыя словы і віншаванні, падкрэсліўшы, што служэнне ў гэтай парафіі для яго – вялікі гонар і радасць. Ён паабяцаў працягваць з усёй адданасцю служыць Богу і людзям, нясучы святло веры і надзеі ў кожны дом.
У заключэнне, вернікі парафіі Унебаўзяцця Найсвяцейшай Панны Марыі пажадалі ксяндзу Паўлу моцнага здароўя, Божага блаславення і шчодрых ласкаў на далейшае пастырскае служэнне.
Тэкст і фота: Таццяна Яфіменка
