• Прывітанне ўдзельнікаў - пачынаецца з моманту, калі ўваходзіць чалавек. Тут важна паводзіць сябе натуральна, але не паказваць здзіўленне новаму чалавеку - бо мы чакаем, што Езус прывядзе да нас кагосьці, і мы вельмі чакаем кожнага. Важна быць тактоўным: не задаваць адразу кучу пытанняў, не лезці з абдымкамі і пацалункамі. Мілага прывітання і запрашэнні прайсці будзе цалкам дастаткова.
• Прывітанне Слова Божага - стол Слова Божага павінен быць падрыхтаваны загадзя: белы абрус, свечка, крыж, ікона/фігура Маці Божай. Неабходна зрабіць Яму алтар. Вітаюцца тэматычныя ўпрыгажэнні: напрыклад, калі тэма датычыцца дружбы - паставіць кветкі, калі Евангелле будзе датычыцца збожжа - прынесці збожжа, і г.д. Робім знак крыжа, запальваецца свечка "Святло Хрыста - Дзякуем Пану Богу", аніматар можа сказаць уступнае слова (што і навошта робіцца, што будзем рабіць далей) і ідзе прывітанне Божага Слова. Бываюць выпадкі, калі ў групе хтосьці паводзіць сябе непрыстойнай выявай, далікатна зважаем на тое, што Гасподзь прысутнічае цяпер і тут з намі і запрашаем да таго, каб пабыць у цішыні і паспрабаваць пачуць, да чаго Гасподзь запрашае нас сёння.
• «Ломка лёду» і ўвядзенне ў тэму - дапамагаем людзям пакінуць праблемы і думкі дня. Тут можна прапанаваць пытанні, якія дапамогуць расслабіцца, разняволіцца, рознага роду заданні, якія датычацца Слова Божага.
• Малітва праслаўлення - праслаўленне Бога Айца, Сына і Духа Святога. Аніматар дазваляе людзям уключыцца ў малітву. Абавязковая таксама малітва да Марыі.
• Чытанне псалма - павольнае і сумеснае. Малітву псалмам пачынае аніматар. Лепш за ўсё ўзяць псальм на будучы тыдзень (на бліжэйшую нядзелю). Усё гэта павінна заняць не больш за 10 хвілін. Аніматар тлумачыць, што малітва псалмам - паўтор тых радкоў псалма, якія адгукнуліся ў тваім сэрцы, якія да цябе прагаварылі.
• Чытанне Слова.

• Дыскусія над Божым Словам: аніматар падрыхтоўвае пытанні, гэта актыўны абмен думкамі, запрашаем да дыскусіі, але даем іншым таксама выказацца.
• Дынаміка - форма візуалізацыі (сцэнкі і інш.), малітвы і г.д.
• Духоўны падзел - да чаго мяне запрашае Слова Божае.

Правілы дзялення:

1. Кажы ад сябе.

2. Гавары пра сябе.

3. Не каментуй.

4. Не вынось сказанае за рамкі групы.

Малітва Св. Яна Паўла II да Найсвяцейшай Панны Марыі,

Зоркі Новай Евангелізацыі:

• БУДЗЬ ШЧЫРЫ: не спрабуй адказваць на пытанні, на якія не ведаеш адказу. Калі так здараецца, паабяцай, што на наступным спатканні паспрабуешь даць адказ на гэтае пытанне.
• НЯМА ГЛУПЫХ ПЫТАННЯЎ: дапамажы ўдзельнікам групы зразумець тваю думку, калі ў іх з’явяцца пытанні.
• УСЕ АКТЫЎНЫЯ: старайся, каб усе былі актыўныя (каб усе былі задзейнічаныя). Запрашай выказаць сваю думку найбольш ціхіх асоб на тэму. Ніколі не прымушай!
• ЗАПЫТАЙ: задавай адкрытыя пытанні.
• ПРАСІ АБ ТЛУМАЧЭННІ: рэагіруй на адказы, задаваючы наступныя пытанні. “Як гэта магло б выглядаць у іншых сітуацыях?”
• ДАЗВАЛЯЙ УСТАУКІ: Часам пад час іх удзельнік можа выказаць тое, што ляжыць у яго на сэрцы. Але памятай, што трэба вярнуцца да голоўнай тэмы.
• АДАРЫ ЎВАГАЙ: Адары кожнага ўдзельніка сваей увагай - візуальны кантакт, жэсты, словы.
• ПАДСУМУЙ: Ужывай падсумаванні каб выказанае засталося ў памяці.
• ПАВАЖАЙ ВЫКАЗВАННІ ІНШЫХ
• ЗАДАВАЙ СПРЭЧНЫЯ ПЫТАННІ: Задавай спрэчныя пытанні каб прыцягнуць увагу.

1. Будь заўсёды гатовы да спаткання. Веды заваёўваюць павагу.
2. Будзь мяккім і разумеючым, але станоўча акрэслі граніцы братэрства.
3. Будзь паслядоўным у адносінах і выказваннях.
4. Падтрымлівай членаў малых груп у іх жыцці асабістым. Давай ім ведаць, што яны для цябе важныя.
5. Запрашай іншых да супольнай працы і вызначай заданні, за якія яны будуць адказныя. Такім чынам ты паказваеш, што ставішся да іх сур’ёзна.
6. Будзь пакорны, але не памяншай свой аўтарытэт.
7. Будзь даступны - не толькі фізычна, але перад усім эмацыянальна.
8. Не бойся служыць і выконваць найбольш празаічныя заданні.
9. Не стварай штучных граніц.
10. Не вядзі падвойнага жыцця. Будзь кожны дзень сведкай. Не будзь фанатыкам, не сароймейся сваей асаблівасці.
11. Стаўся да іншых як да адказных партнёраў, а не падданых табе вучняў.

1. Пад час дзялення кажы толькі пра свае асабістыя пачуцці, не абагульняй.
2. Заўсёды гавары ад сябе: “я”, а не “мы”, “чалавек”, “людз!” і г.д.
3. Не пачынай дыскусіі і не запрашай да яе.
4. Не папракай і не вучы. Дзяленне - гэта перажыванне, пра якія трэба проста паслухаць.
5. Не спяшайся, але дай таксама час іншым.
6. Не мусіш прымаць адказы іншых. Дастаткова толькі іх выслухаць.
7. Не дапытвайся (не будзь любапытны).
8. Твае пытанні павінны датычыцца тваёй праблемы.
9. Не давай парад тады, калі аб гэтым цябе не просяць.
10. Ты не павінен дзяліцца ўсім, але заўсёды будзь шчырым.
11. Інфармацыя, якую ты пачуў пад час дзялення, павінна заставацца канфідэнцыяльнай. Не размаўляй аб гэтым з іншымі.

• Яно дапамагае ўтварыць сувязі ў супольнасці. Людзі перастаюць адносіцца адзін да аднаго як да ананімаў, з кожным спатканнем усё лепей пазнаюць адзін аднаго, адкрываюцца адзін на аднаго ў розных сітуацыях, дзеляць радасці і праблемы.
• Дазваляе кожнаму з удзельнікаў лепей пазнаць самога сябе - калі я дзялюся, то перш за усё павінен назваць і распазнаць гэта ў сваім сэрцы.
• Дапамагае ацаніць удзельнікам, ці на самой справе ў іх сэрцах адбываецца сапраўднае перамяненне.
• Дзяленне з’яўляецца школай пакоры і эмпатыі, у якой чалавек вучыцца заўважаць і выслухваць праблемы іншых.
• Дапамагае ў цяжкасцях, звязаных з перажываннем веры - зразуменне і дапамога ад людзей, якія перажываюць у сваёй веры падобныя праблемы з верай.
• Слуханне сведчання іншых вядзе да будавання альбо узмацнення добрых вобразаў, веры.
• Вучыць прымаць розных людзей такімі, якімі яны ёсць у дадзены момант жыццёвай дарогі.
• Дзяленне - пляцоўка для практыкавання “паслугі сэрца” - вучыць слухаць, але таксама служыць праз заступніцкую малітву.
• З’яўляецца месцам Божай прысутнасці - “Дзе два альбо тры сабраныя у Імя Маё, там Я сярод іх” (Мц 18, 20).